قوينىڭ زاكات ئۆلچىمى قىرىق بولۇپ، قىرىق قويغان ئىگە بولۇپ، بۇنىڭغا تولۇق بىر يىل توشسا، ئۇ ۋاقىتتا بۇنىڭغا زاكات ۋاجىپ بولىدۇ. بۇ توغرىدا ئائىشە رەزىيەللاھۇ ئەنھادىن ھەدىس بايان قىلىنىپ، مەن پەيغەمبەر ئەلەيھىسسالامنىڭ مۇنداق دېگەنلىكىنى ئاڭلىغان: «مالغا ئىگە بولۇپ ئۇنىڭغا تولۇق بىر يىل توشمىغۇچە زاكات ۋاجىپ بولمايدۇ» . [ئىبنى ماجە رىۋايىتى1792 -ھەدىس. شەيخ ئەلبانى سەھىھ دەپ "ئىرۋائۇل غەلىيل"دە 787 -نومۇرلۇق ھەدىستە كەلتۈرگەن].
ئالتۇن، كۈمۈش، نەخ پۇل ۋە ھايۋانلار زاكاتنىڭ ۋاجىپ بولىشى ئۈچۈن تولۇق بىر يىلنىڭ ئۆتىشى شەرت قىلىنىدۇ.
يىل توشۇشتىن ئىلگىرى مال ھالاك بولۇپ كېتىش، سېتىۋېتىش، ھەدىيە قىلىۋېتىش ياكى باشقا سەۋەبلەر بىلەن ئىگىدارچىلىق ھوقۇقى يوقالسا بۇ ۋاقىتتا زاكات ۋاجىپ بولمايدۇ.
شۇنىڭغا ئاساسەن، ئانىڭىزغا زاكات ۋاجىپ بولمايدۇ، چۈنكى قويلارنىڭ ئىگىلىك ھوقۇقى ئۇنىڭ قولىدىن يىل توشۇشتىن ئىلگىرى چىقىپ كەتتى، شۇنىڭدەك سىزگىمۇ زاكات ۋاجىپ بولمايدۇ، چۈنكى سىزنىڭ ئۇ ماللارنى سىتىۋالغانلىقىڭىزغا تولۇق بىر يىل بولمىدى، مال قولغا ئۆتۈپ تولۇق بىر يىل توشقاندا ئاندىن زاكات ۋاجىپ بولىدۇ.
ھەممىدىن توغرىنى ئاللاھ تائالا ياخشى بىلگۈچىدۇر.